Ukali Orali – Tara Devi 

उकाली ओराली हरुमा, भन्ज्यांग अनि चौतारी हरुमा।
सुन्दर ति, दह हरुमा, हिमालका विशाल छातीहरुमा।

जहाँ जहाँ जान्छौ तिमी, म पाईला बनि पछ्याई रहन्छु।

ति छहरा, खोला, खहरेहरुमा, सम्झना बनि बगिरहन्छु।

उकाली ओराली हरुमा।
तराईका हरिया फाँटमा, पहाडका तरेलीहरुमा।…२

हिमालका सुन्दर, अनि विकट ति, बस्ती-बस्तीहरुमा।

जहाँ जहाँ जान्छौ तिमी, म बाटो बनि साथै आईरहन्छु।

ति सुस्केरा,थकाई,सुसेलीहरुमा, गीत बनि गुन्जिरहन्छु।

उकाली ओराली हरुमा।
मुटु कमाउने जाडो हरुमा, कपाल दुख्ने गर्मीहरुमा।…२

मन हर्ने सुन्दर दृष्य, शान्त-शितल वातावरणमा। 

जहाँ जहाँ जान्छौ तिमी, म आकाश बनि देखिरहन्छु।

ति लेक,बेशी अनि पाखा हरुमा, पवन बनि भेटिरहन्छु।

उकाली ओराली हरुमा।

Advertisements